Valg i BFI
Synne Karina Mårstøl:
Eg vil jobbe for betre nasjonalt samarbeid og fagleg kommunikasjon. I dag er variasjonane i gjeremåtar like store som talet på institusjonar.
Karriera mi starta i eit vikariat ved Laboratorium for Klinisk Biokjemi - Barneklinikken i 2013, og eg har i dag fast stilling der.
Sjølv om eg er det ein kan kalle relativt «fersk i faget», har eg ikkje latt det stå i vegen for å ta på meg ulike oppgåver og verv.
Eg har vore BFI-kontakt sidan 2014, vore medlem av forhandlingsutvalet NITO Helse Bergen sidan 2015, og skal i haust ha opplæring i internrevisjon. I perioden 2014-2016 var eg medforfattar av kunnskapsbaserte retningslinjer i blodprøvetaking, kapillært og venøst.
Eg er ei som likar å ha mange jern i elden, og føler vi er heldige som kan dra nytte av eit breitt og variert bioingeniørfag. Blir eg valt inn i fagstyret vil eg jobbe for betre nasjonalt samarbeid og fagleg kommunikasjon. I dag er variasjonane i gjeremåtar like store som talet på institusjonar. Nokre land har nasjonale prosedyrar og retningslinjer. Er det nyttig, og kan det gjennomførast?
Dette og mange andre spørjemål håpar eg å finne svaret på.
Videreutdanning:
Evaluering, kvalitetsovervåking og tolking av biokjemiske analyser ved Universitetet i Bergen.
Relevante verv:
BFI-kontakt sidan 2014, og frå hausten 2016 medlem av Internrevisjonen. Medlem i forhandlingsutvalet NITO Helse Bergen sidan 2015.
