Bioingeniør, Avdeling for medisinsk genetikk, Helse Bergen

Avdeling for medisinsk genetikk (MGM) er ei av åtte organisatoriske einingar i Laboratorieklinikken, Haukeland universitetssjukehus. Avdelinga har regionansvar for genetiske tenester i Helse Vest. Vi har om lag 90 tilsette med ulik yrkesfagleg bakgrunn, og vi er organisert i ein seksjon for klinisk genetikk, ei laboratorieeining med to seksjonar og ein merkantil seksjon. Regionalt kompetansesenter for arveleg kreft (RKAK) og Regionalt senter for presisjonsmedisin er òg knytta til avdelinga. Vi held til i lyse og trivelege lokale i 6. etasje i Laboratoriebygget, medan vår Medisinsk-genetiske poliklinikk er lokalisert til 2. etasje i same bygg.

Verksemda er kjenneteikna av tett integrering mellom klinikk og laboratorium for diagnostisk utgreiing, rettleiing og oppfølging av pasientar og deira familiar med sikker eller mistenkt genetisk tilstand. Fagområdet medisinsk genetikk er i rask endring, basert på ny teknologi som gjer det mogleg å analysere alle dei genetiske variantane til eit menneske i éin prøve. Gjennom utviklinga av persontilpassa medisin forventar vi at raskt aukande kunnskap om variasjon i arvestoffet vil få stor innverknad på medisinsk praksis i framtida. Forsking er ein viktig del av vår verksemd.

Stillinga er knytta til laboratoriediagnostikkseksjonen som utfører cytogenetiske- og molekylærgenetiske analysar på pre- og postnatale prøvar for å sjå etter genetiske avvik som kan vera sjukdomsgivande. Den diagnostiske laboratorieverksemda er akkreditert etter ISO 15189. Rask teknologisk utvikling samt aukande etterspurnad etter våre tenester medfører eit aktivt og travelt arbeidsmiljø i kontinuerleg endring.

Arbeidsoppgåver

• Delta i dagleg drift
• Delta i blodprøvetaking av inneliggande og polikliniske pasientar

Kvalifikasjonar

• Norsk autorisasjon som bioingeniør
• God kjennskap til bruk av laboratorieinformasjonssystem
• Erfaring med laboratoriearbeid i medisinsk genetikk er ein fordel
• Arbeidserfaring frå eit akkreditert laboratorium er ein fordel
• Personlege eigenskapar blir vektlagd
• Må meistre norsk både skriftleg og munnleg

Personlege eigenskapar

• Ansvarsbevisst
• Sjølvstendig
• Samarbeidsvillig
• Fleksibel
• Nøyaktig
• Gode kommunikasjonsevner

Vi tilbyr

• Lønn i samsvar med gjeldande overeinskomst
• Høgt fagleg nivå
• Fleksibel arbeidstid
• Eit godt arbeidsmiljø
• Ein arbeidsplass som er ei inkluderande arbeidsliv-bedrift (IA-bedrift)

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Kjetil Solland, Seksjonsleiar, Telefon: 55975487, E-post: kjetil.solland@helse-bergen.no

Atle Brendehaug, Sjefbioingeniør, Telefon: 55975481, E-post: atle.brendehaug@helse-bergen.no

Søk på stillinga

Sjå annonse på webcruiter.no

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.