IKT-konsulent laboratoriemedisin, Helse Møre og Romsdal

IKT-konsulent laboratoriemedisin

Avdeling for medisinsk biokjemi og blodbank, Helse Møre og Romsdal HF

Vil du bli vår nye kollega?

Klinikk for diagnostikk har ledig stilling som IKT-konsulent innan laboratoriemedisin.

Stillinga er i dag organisert i Avdeling for medisinsk biokjemi og blodbank. Den som vert tilsett skal arbeide tett saman med den andre IKT-konsulenten i Klinikk for diagnostikk og ha oppgåver i alle laboratorium i klinikken som er medisinsk biokjemi og blodbank, medisinsk mikrobiologi og patologi.

Laboratoria i Helse Møre og Romsdal innførte Helseplattforma (HP) sitt laboratoriedatasystem Beaker i 2021. Om omlag eit år skal resten av HMR ta i bruk HP. Vi har i tillegg to andre laboratoriedatasystem (LIMS), Sympathy (patologi) og Prosang (blodbank). Overgangen gjer at innhaldet i stillinga vil endre seg over tid.
For å kunne møte dagens og morgondagens utfordringar treng Helse Møre og Romsdal dyktige og engasjerte medarbeidarar som er positive til endringar.

Vi ber om at dokumentasjon på utdanning og tenestebevis/attestar frå tidlegare arbeidsforhold blir lasta opp som vedlegg til CV/søknad.

Arbeidsoppgåver

• Månadlege rapportar og statistikk
• Oppfølging av ulike arbeidsprosessar knytta til fakturering, refusjonar, ordrer knytta til regnskapssystem og oppfølging av utbetalingsvedtak mottatt frå Helfo
• Oppfølgingar av all elektronisk svarrapportering
• Vere involvert opp mot leverandørar ved installering av instrument og mellomvareprogram
• Vere involvert med bestillingar og oppkoblingar av IKT-utstyr
• Vere ein sentral innmeldar til HP og vere IKT-utstyrsbestillar
• Oppgåver innan Beaker/HP kan bli tillagt
• Andre aktuelle IKT-oppgåver i klinikken
• Noko reising mellom sjukehusa vil vere aktuelt

Kvalifikasjonar

• IKT-kompetanse. Interesse og kompetanse/erfaring frå spesialisthelsetenesta er ønskeleg
• Erfaring og kjennskap til informasjonsteknologi og LIMS
• Tilleggsutdanning innan IKT eller tilsvarande vil bli vektlagt
• Kjennskap og erfaring frå ulike IKT-program, til dømes Excel, Power BI og andre
• Ønskeleg med kompetanse innan statistikk
• Ønskeleg med kompetanse innan programmering
• Erfaring med prosjektarbeid og prosjektleiing er ynskeleg
• Må mestre norsk og engelsk, munnleg og skriftleg

Personlege eigenskapar

• Må kunne arbeide både sjølvstendig og i team
• Vere arbeidsam og ha høg arbeidsmoral
• Evne til omstilling og interesse for vidareutvikling
• Evne til å skape samarbeid for å oppnå felles mål
• Evne å tenke heilskapeleg
• Trivast i eit aktivt og travelt miljø
• Medvirke til eit godt arbeidsmiljø

Vi tilbyr

• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Brit Valaas Viddal, Avdelingssjef, tlf. 70 10 54 82

Se annonsen på webcruiter.no/ Søk på stillingen

Helse Møre og Romsdal HF er eit helseføretak under Helse Midt-Norge RHF og har ansvaret for den offentlege spesialisthelsetenesta i Møre og Romsdal. Verksemda omfattar sjukehusa i Volda, Ålesund, Molde og Kristiansund samt fleire omliggande institusjonar. Helseføretaket har om lag 4200 årsverk fordelt på 6500 tilsette, og gir eit differensiert tilbod innan dei fleste fagfelta i somatikk og psykisk helsevern. Hovudoppgåvene våre er pasientbehandling, utdanning av helsepersonell, forsking og opplæring av pasientar og pårørande. Vår visjon er å vere "På lag med deg for helsa di." Vi ønskjer kvalifiserte søkarar uavhengig av etnisk bakgrunn, kjønn eller alder. For å kunne vurdere fortrinnsrett til stilling, ber vi deg opplyse om dette i søknaden. Ved tilsetting i stillingar der det er krav om det, føreset vi at du leverer tilfredsstillende politiattest. Vi ønskjer ikkje kontakt med annonseseljarar. Les meir om oss på www.helse-mr.no